सप्तकोशी अनलाइनसंग कुरा गर्दै सन्त श्रीनिवासले ठुलो अन्याय भएको बताउछन । उनले खुलेआम गाई तस्कर गर्दा समेत प्रशासन मौन भएको आरोप लगाए । भजन किर्तन गरेर मात्र अब केही नहुने भन्दै यस्तो तस्करी रोक्न सबै एक हुनुपर्ने उनको भनाई रहेको छ । उनले बरु गाईको रक्षा र सुरक्षा हामी आँफै गर्छौ तर यस्तो आफ्नै आँखा अगाडी गाईको तस्करी गरेको हेर्न नस्क्ने बताउदै गाई तस्करी गर्नेलाई कडा भन्दा कडा कार्वाही गर्नु पर्ने बताए । उनले भने म सन्त हुँ, गाैमाताकाे संरक्षण गर्नु मेराे दायित्व हाे ।
यता प्रहरी कार्यालय महेन्द्रनगरका ईन्चार्ज शरण कुमार दाहालले गाई ओसार पसारमा कानुनि रुपमा वर्जित नगरिएको हुदा किनवेचकै आधारमा दण्डित गर्न नमिल्ने वताए । उनले भने गाई खरिद गर्नेले ५ वटाकाे रसिद काटेर ८ वटा गाई ल्याएको छ, क्षमता भन्दा वढि गाई राखेर ल्याएको हुदा कानुनत ताेकिएकाे दण्ड तिराउने वताए । ट्रफिक जरिवाना तिरेर ८ वटा चाैपाय वाेक्ने क्षेमताकाे गाडीमा लैजाने भए आफुले राेक्न नमिल्ने दाहालले वताए ।यता शिव सेना नेपाल मोरङका अध्यक्ष शतिष पोखरेलले गाई तस्करी गर्ने लाई कडा भन्दा कडा कार्वाही गर्नु पर्छ र समाजबाट बहिस्कार गर्नुपर्ने बताए ।
