बस्तीमा खस्यो पाकिस्तानी सेनाको विमान, पाँच सैनिकसहित १७ जनाको मृत्यु एजेन्सी इस्लामावाद, साउन १४

मंगलबार बिहान पाकिस्तानी सेनाको एक विमान दुर्घटना हुँदा १७ जनाको मृत्यु भएको छ।

पाकिस्तान सेनाको मुख्यालय रहेको रावलपिन्डीनजिक नियमित प्रशिक्षणको क्रममा विमान दुर्घटना हुँदा ५ जना विमान चालकसँगै १२ जना सर्वसाधरणको ज्यान गएको हो। विमान नजिकैको बस्तीमा खसेको थियो। एक घरमा ठोक्किएपछि विमानमा आगो लागेको थियो भने आगलागी बस्तीमा फैलिएको थियो।

दुर्घटनामा परी १२ जना घाइते भएका छन्। दुर्घटना के कारणले भयो भन्ने खुलिसकेको छैन।