गायनका अतिरिक्त अभिनय क्षमताका कारण आयुष्मान खुरानाले बलिउडमा आफ्नो अलग्गै छाप छाडेका छन् ।
अभियनप्रति समर्पित हुने आयुष्मानको बानीका कारण बलिउडका मिस्टर परफेक्शनिस्ट आमिर खान पनि उनका प्रसंशक छन् ।
आयुष्मानले हालै चलचित्र ‘अन्धाधुन’ बाट ‘बेस्ट एक्टर’को राष्ट्रिय पुरस्कार पनि जितेका थिए ।
फिल्मी दुनियामा एकपछि अर्को सफलता हात पार्दै गएका आयुष्मान कुनै दिन आफ्नो कलेजको अतिरिक्त खर्च जुटाउनका लागि भने ट्रेनमा गितार बजाउने गर्दथे ।
सुमधुर स्वरका समेत धनी आयुष्मानले ट्रेनमा गितार बजाएरै कलेज जीवनको अतिरिक्त खर्च जुटाएको विषय आफैंले खुलासा गरेका हुन् ।
आफ्नो आगामी चलचित्र ‘ड्रीम गर्ल’को प्रचारका लागि कपिल शर्मा शोमा पुगेका आयुष्मानले ट्रेनमा गितार बजाएरै गुवाको भ्रमण गर्नका लागि खर्च जुटाएको समेत बताए ।
ट्रेनमा गितार बजार १ दिनमा १००० भारुसम्म कमाइ भएको आयुष्मानले अनुभव सुनाए ।
