काठमाडौं – आजदेखि शुरु भएको वुमन्स च्याम्पियन्स लिगको उद्घाटन खेलमा काठमाडौं क्विन्सले चितवन राइनोजलाई ९३ रनको लक्ष्य प्रस्तुत गरेको छ ।
किर्तिपुरस्थित त्रिभुवन विश्वविद्यालयको क्रिकेट मैदानमा भएको खेलमा काठमाडौंले निर्धारित २० ओरभ खेल्दै सबै विकेट विकेट गुमाएर ९२ रन बनाएको हो ।
चितवन राइनोजका बलरहरुले उत्कृष्ट प्रदर्शन गर्दा काठमाडौंका ब्याटरहरु निरीह देखिए ।
जसमा काठमाडौंका लागि ओपनिङ ब्याटर रश्मी चौलागाईले ३४ रन बनाएकी थिइन् । उनले २५ बलमा ७ चौकाको मद्दतमा उक्त रन जोडेकि हुन् भने सरस्वी कुमारीले १५ रन बनाउँदा अन्य ब्याटरहरुले राम्रो रन जोड्न सकेन् । जसमा ९ जनाले दोशोरो अंक जोड्न सकेनन् ।
काठमाडौं विरुद्ध सन्तोषी चौधरीले ३ विकेट लिँदा रेखा रावल र कविता गौतमले समान २–२ विकेट लिइन् भने रितु कनौजियाले एक विकेट हात पारिन् ।
आजदेखि शुरु भएको प्रतियोगिता भदौ ७ गतेसम्म चल्नेछ । प्रतियोगिताको उद्घाटन राष्ट्रिय खेलकुद परिषद् (राखेप) सदस्य सचिव रमेश कुमार सिलवाल र क्यानका नवनिर्वाचित अध्यक्ष चतुर बहादुर चन्दले गरेका हुन् ।
