काठमाडौँ । कलाक्षेत्रमा भविष्य खोज्दै पछिल्लो समय थुप्रै युवायुवती भित्रिएका छन् । तीमध्येकी एक हुन् वर्षा चौलागाईं । करिब ४ वर्ष अगाडि चर्चित गायक राजेश पायल राईको ‘बैगुनी रहेछौ मायालु’ बोलको हिट गीतको म्युजिक भिडियोमा मोडलिङ गर्दै कलाकारितामा प्रवेश गरेकी चौलागाईं पछिल्लो समय चलेकी मोडल मध्येमा पर्छिन् ।
करिब एक दर्जनभन्दा बढी म्युजिक भिडियो अभिनय गरिसकेकी उनले निर्देशक शोभित बस्नेतको फिल्म ‘बद्री बहादुरमा’ समेत अभिनय गरेकी छन् । फिल्म प्रदर्शनमा आउन बाँकी छ ।
सानैदेखिको अभिनयप्रतिको रुचिका कारण कलाकारिता राजेको बताउने वर्षाको अभिनय र मोडलिङबाट नाम र दाम दुवै कमाउने सपना पनि छ । त्यही भएर पनि उनी अभिनय प्रशिक्षण लगायतमा मिहिनेत गरिरहेकी छन् । अभिनेता अनमोल केसीसँग अभिनय र एक्सन हिरो निखिलसँग डेट इच्छा भएको बताउने वर्षालाई यस्तो छ रातोपाटीको दस प्रश्न ।
कलाकारिता किन रोज्नुभयो ?
सानैदेखि कलाकार भएर पर्दामा देखिने रहर थियो । सोही रहर पूरा गर्न अभिनय रोजेकी हुँ ।
अभिनयबाट जीवन चल्छ त ?
म कलाकारितामा प्रवेश गरेको भर्खर ३ वर्ष मात्र भयो । अहिले मेरो स्ट्रगल चलिरहेको छ । गर्दै जाँदा पक्कै पनि अगाडि बढ्न सकिन्छ होला ।
सौन्दर्यतिर कतिको रुचि छ ?
छैन भन्न मिल्दैन । महिला भएपछि सौन्दर्यमा रुचि राख्नुपर्ने हुन्छ । अभिनय बाहेकको समय सामान्य मेकअप गर्छु । मेकअपमा म गाजल र लिपस्टिक कहिल्यै छुटाउँदिनँ ।
मनपर्ने फेसन ?
पहिरन प्रायः सबै प्रकारका मनपर्छ । म राम्री भने वान पिसमा देखिन्छु ।
सपना ?
कलाकारिता रोजेकी छु । अगाडि बढ्न सङ्घर्ष गर्दैछु । कला क्षेत्रमा चर्चित भएर नाम, दाम र इज्जत कमाउने सपना छ ।
मनपर्ने केटा ?
सिम्पल, माया गर्ने, आफूलाई बुझ्ने, आफ्नो काममा सधैँ सपोर्ट गर्ने केटा मनपर्छ । त्यसमा बढी मनपर्ने बिजनेस म्यान ।
मनपर्ने खानेकुरा ?
दालभात, मटनका तरकारी र अचार मेरो मनपर्ने खानेकुरा हो ?
प्रेम ?
म अहिलेसँग सिङ्गल छु ।
पर्दामा रोमान्स गर्न मन लागेको हिरो ?
अभिनेता अनमोल केसीसँग रोमान्स गर्न मन छ ।
रोजेको व्यक्तिसँग डेटको अफर दियो भने ?
एक्सन हिरो निखिल उप्रेतीसँग डेट जान चाहन्छु । निखिल, निखिलको एक्सन र अभिनय सबै मनपर्छ ।
