नवौं राष्ट्रिय खेलकुद प्रदेश स्तरीय कराते छनौट प्रतियोगिता मा माेरङ बुढीगंगाकाे टंकीसिन्वारीमा रहेकाे “न्यू सेप कराते एकेडेमी” का खेलाडीले पहिलो स्वर्ण प्राप्त गरेका छन् । धरान रंगसालामा सम्पन्न प्रदेश नं १ अन्तर्गतकाे नवाैं राष्ट्रिय खेलकुद बृहत कराते प्रतियोगिता पूरुष ५० कि.ग्रा. ताैल समुहमा न्यू सेप कराते एकेडेमीका खेलाडी महेश यादवले पहिलाे स्वर्ण प्राप्त गरेका हुन् । उनले याे भन्दा पहिला दुई पटक गाेल्ड मेडल प्राप्त गरिसकेका थिए । महेश यादवले स्वर्ण प्राप्त गरे सँगै मोरङ बाटै ५५ के जि तर्फ अनिश मण्डल र ८४ केजि तर्फ राेजन खड्काले गोल्ड मेडल पाउन सफल भएका छन् । प्रदेश स्तरीय नवौं राष्ट्रिय खेलकुद कराते प्रतियोगिताकाे लागि १४ जिल्ला बाट कडा प्रतिस्प्रधा भएको थियो । नवौं राष्ट्रिय खेलकुद कराते छनौट प्रतियोगिता २०७९ भदौ ३० गते देखि शुरु भई असाेज ३ गते सम्पन्न भएको हो ।
