एवाइसि गढी आठौं भलुवा गोल्डकपको क्वाटर फाइनलमा

सुनसरीको दुहबी ७ स्थित भलुवा खेलमैदानमा आठौं भलुवा गोल्डकप फुटबल प्रतियोगिता सुरु भएको छ। आज दुहबी नगरपालिकाका मेयर बेदनारायण गच्छदारले आठौं भलुवा गोल्डकप फुटबल प्रतियोगिताको समुदघाटन गर्दै २१ करोड लागतमा सुविधा सम्पन्न दुहबी रंगशालाको ६०% काम सम्पन्न भएको जानकारी दिएका छन्। मेयर गच्छदारले दुहबीमा खेलाडीहरुलाई ब्यबसायिक बनाउन फुटबल एकेडेमिको समेत अवधारणा लिइसकेको जनाए। आज भएको पहिलो प्रि-क्वाटर फाइनल खेलमा एवाइसि गढी सुनसरीले १ नम्बर प्रदेश नेपाल पुलिस क्लब मोरङलाई ६-० गोलको फराकिलो अन्तरले पछि पार्दै क्वाटर फाइनलमा प्रवेश गरेको छ। आजको खेलमा उत्कृष्ट खेलाडी एवाइसि गढीका जर्सी नम्बर ७ का मेक्सवेल घोषित भए। उनलाई समुदघाटन खेलका प्रमुख अतिथी दुहबी नगरपालिकाका मेयर बेदनारायण गच्छदारले ५ हजार नगद तथा ट्रफि प्रदान गरे। आज देखि सुरु भएको गोल्डकप फुटबल प्रतियोगितामा बिदेशी फुटबल क्लब क्यामरुन सहित १० वटा रास्ट्रिय र स्थानीय स्तरको क्लबबिच प्रतिस्पर्धा हुनेछ । भोलीको दोस्रो प्रि-क्वाटर फाइनल खेल पथरी स्पोर्टिङ क्लब मोरङ र संयुक्त युवा क्लब दुहबीका बिच हुने आयोजकले जनाएको छ। बिजेता टिमले उपाधी सहित नगद ३ लाख शिल्ड मेडल प्राप्त गर्नेछन् भने उपबिजेता टिमले नगद डेढ लाख शिल्ड मेडल प्राप्त गर्ने तथा विभिन्न विद्या तर्फबाट खेलाडीहरुलाई समेत पुरस्कृत गर्ने जनाइएको छ।