काठमाडौं– दोलखाबाट काठमाडौं आउँदै गरेको बस सिन्धुपाल्चोकमा दुर्घटनामा परेको छ ।
दोलखाको मागा देउरालीबाट काठमाडौं आउँदै गरेको बा २ ख ७२४५ नम्बरको बस सिन्धुपाल्चोकको सुकुटेस्थित सुनकोशी नदीमा खसेको हो ।
बस दुर्घटनामा तीन महिना, एक बालकसहित ६ जनाको मृत्यु भएको सिन्धुपाल्चोकका पत्रकार दिनेश थापाले बताएका छन् ।
सरकारी सञ्चार माध्यम नेपाल टेलिभिजनले पनि दुर्घटनामा ६ जनाको मृत्यु भएको जनाएको छ । दुर्घटनामा १५ जना घाइते भएका छन् । घाइतेको अवस्था गम्भीर रहेकोले मृतकको संख्या बढ्ने अनुमान गरिएको छ ।
बस खोलामा पूर्णरुपमा डुबेको छ । दुर्घटनामा परेको उद्धार कार्य जारी रहेको प्रहरीले जनाएको छ ।
घाइतेको उपचारका लागि अस्पताल लगिँदैछ ।
घटनाका बारेमा थप विवरण आउँदैछ ।
