इटहरी । त्रिदेशीय जोड्ने निर्माणाधिन ६ लेन सडक विस्तार मनपरी मापदण्डमा भएको भन्दै इटहरी उपमहानगरपालिकाले सडक आयोजना सँग सम्पूर्ण कागजात माग गरेको छ । फरक मापदण्ड चौतफीै विरोध हुन थाले सँगै इटहरी उपमहानगरपालिकाले डिपिआर र ठेक्का सम्झौताका सम्पूर्ण कागजात माग गरेको हो ।
मापदण्डको विषय विवाद धेरै बढेको भन्दै डिपिआर संशोधन भए पुरानो र संशोधन गर्नु पर्ने कारण माग गरेको हो । साथै खरिद सम्झौता लगायतका कागजात उपलब्ध गराउन मा गदै इटहरीका वरिष्ठ इन्जिनियर अर्जुन दाहालले आयोजनालाई पत्राचार गरेको हो ।
इटहरी उपमहानगरपालिकाकी उपमेयर लक्ष्मी गौतम सहितको टोलीले सोमबार ६ लेन सडकको अनुगमन गरेका थिए । मापदण्ड मनपरी भएको भन्दै उपमहानगरपालिकामा ध्यानआर्कषण भए सँगै यस विषयमा अनुगमन गरेको उपमेयर गौतमले बताईन । अहिले ब्यापक रुपमा ६ लेन सडक विस्तारको विरोध भए सँगै उपमहानगरपालिकाले कागजात माग गरेको बताईन ।
सडक विभागले ८२ फुट सडक निर्माण गर्ने भनिएको भएपनि इटहरीको मुख्य चौक आसपासमा ६५फिट मात्र सडक चौडा गरिएको भन्दै मनपरी मापदण्ड रोक्न माग गरेको हो । भेदभाव रहित समान मापदण्डको सडक निमार्णको निम्ति संर्घर्ष समितिले ज्ञापन पत्र बुझाएको थियो । समितिका संयोजक मदन चुडालले बाटो विस्तारमा निश्पक्ष हुनु पर्ने माग गरे ।
सोही समितिले आईतबार इटहरी उपमहानगरपालिकाका मेयर द्धारिकलाल चौधरी र उपमेयर लक्ष्मी गौतमलाई भेटेर इटहरी तरहरा क्षेत्रमा समान मापदण्डमा सडक विस्तार गर्ने माग गरे सँगै उपमहानगरपालिकाले सडकको विषयमा चासो देखाएको हो । साथै ६ लेन सडक राजमार्ग ऐनले तोकेको सीमा केन्द्रबाट २५–२५ मिटर कायम रहने गरी सर्भिस लेन सहितको व्यवस्था संघर्ष समितिले मिलाउन माग गदै आएको छ ।
