गिजरमा नुहाउने क्रममा ललितपुरमा एक जनाको मृत्यु

काठमाडाैं । गिजरमा नुहाउने क्रममा बेहोश भई ललितपुरमा एक जनाको मृत्यु भएको छ । सातदोबाटोस्थित सरिबा गर्ल्स होष्टेल बस्ने पर्सा बीरगञ्ज घर भएकी १९ वर्षीया जोनित चौहानको मृत्यु भएको प्रहरीले जनाएको छ । होष्टेलको बाथरुममा गिजरमा नुहाउने क्रममा अचानक बेहोश भएपछि तत्काल पाटन अस्पताल लगिएकोमा उपचारको क्रममा उनको मृत्यु भएको हो । यस सम्बन्धमा आवश्यक अनुसन्धान गरिरहेको  प्रहरीले जनाएकाे छ ।