स्वास्थ्य तथा जनसंख्या मन्त्रालयले विश्वव्यापी महामारीको रुपमा फैलिएको कोरोना भाइरस (कोभिड-१९) को अपडेट दैनिक गराउँदै आएको छ। नियमित पत्रकार सम्मेलनमार्फत् मन्त्रालयका प्रवक्ता डा. विकास देवकोटाले कोरोना अपडेटको विषयमा औपचारिक जानकारी दिँदै आएका छन्।
गत डिसेम्बरमा चीनको वुहानबाट फैलिएको कोरोना भाइरस संक्रमण विश्वव्यापी महामारी बनेको छ। नेपालमा पनि ७५ जनामा कोरोना पुष्टि भइसकेको छ।
जसमध्ये १६ निको भएका छन् भने अन्यको विभिन्न अस्पतालमा उपचार भइराखेको छ। सरकारले सबै जिल्लामा आरडीटी विधिबाट परीक्षण सुरु गरेको छ भने सबै प्रदेशका विभिन्न ठाउँमा गरेर १७ अस्पतालबाट पीसीआर विधिबाट स्वाब परीक्षण भइरहेको छ।
