मोरङको बेलबारी २ मा रहेको श्री कबीर माध्यमिक विद्यालयलाई यतिबेला सहयोगको ओईरो लाग्न थालेको छ ।
पछिल्लो समय बेलबारी २ का स्वर्गीय यादवप्रसाद पोखरेलको स्मृतिमा श्रीमती पार्वती पोखरेल, छोराबुहारी पुरुषोत्तम पोखरेल, अनिशा पोखरेल, डा.गणेश पोखरेल र विक्रमा पोखरेल साथै छोरीज्वाइँ जयन्ती पोखरेल र सुवास गुरागाईँले २ लाख १ हजार विद्यालयको अक्षयकोषमा जम्मा हुने गरी हस्तान्तरण गरेका हुन ।
बिद्यालयका प्रधानाध्यापक अभय लिम्बुका अनुसार विद्यालयको स्थापना कालदेखि नै पोखरेल परिवारले महत्त्वपूर्ण योगदान दिँदै आएको साथै थप आर्थिक सहयोग पाएको बताए ।
बिद्यालयमा अनुशासित, लगनशील, जेहेन्दार तथा विपन्न विद्यार्थीहरूलाई अध्ययनका लागि छात्रवृत्ति प्रदान गर्ने उद्देश्यले रु.२ लाख १ हजार मुलकोष रहने गरी “यादवप्रसाद पार्वती पोखरेल छात्रवृत्ति अक्षयकोष” को स्थापना गरेको प्रधानाध्यापक लिम्बुले जनाएका छन् । साथै पोखरेल परिवारले विद्यालयका एक÷एक जना छात्र छात्रालाई जनही २ हजार ५ सय को दरले छात्रवृत्ति पनि प्रदान गरेका छन । बिद्यालयले सञ्चालन गरेको द्यौसी भैलो कार्यक्रममा समेत दाताहरुले उल्लेख्य रकम प्रदान गरेका छन ।
All reactions:
Betana Dainik and 17 others
