सोमबार राति चीनको उत्तरपश्चिमी प्रान्त गान्सु र छिङहाइमा भूकम्प गएको छ ।
चाइना अर्थक्वेक नेटवर्क सेन्टर (सीईएनसी)का अनुसार ६.२ म्याग्निच्युडको शक्तिशाली भूकम्प गएको हो ।
यता अमेरिकी भूगर्भ सर्वेक्षणले ५.९ म्याग्निच्युडको भूकम्प गएको जनाएको छ । भूकम्पको धक्का पाकिस्तानसम्म महसुस गरिएको थियो ।
चीनको आधिकारिक समाचार एजेन्सी सिन्ह्वाका अनुसार दुवै प्रान्तमा करिब १ एक ११ जनाको मृत्यु भएको छ भने २ सय भन्दा बढी घाइते भएका छन् । गान्सुमा १०० र छिमेकी प्रान्त छिङहाइमा ११ जनाको मृत्यु भएको बताइएको छ ।
भूकम्पको केन्द्रबिन्दु छिङहाइको सिमानामा रहेको गान्सुको जिशिशान काउन्टीमा जमिनबाट १० किलोमिटर तल रहेको थियो ।
