विराटनगर महानगरपालिकाभित्र नोबेलका एक नर्ससहित आज शनिबार ४० जना संक्रमित थपिएका छन् ।
संक्रमितमध्ये २१ पुरुष र १९ महिला रहेको सामाजिक विकास मन्त्रालयले जनाएको छ । नयाँ संक्रमित थपिएसँगै महानगरमा कोरोना संक्रमितको संख्या ४ सय ८२ पुगेको छ ।
विराटनगरमा देखिएका मध्ये एक जना विराटनगरस्थित नोबेल मेडिकल कलेजका नर्स पनि छन् ।
शनिबार थपिएका संक्रमितमध्ये विराटनगर ३ र ९ वडाका ७/७ जना छन् । यस्तै विराटनगर १६ का ४ जना, ६ का ६ जना र ११ का ३ जनामा संक्रमण देखिएको छ । विराटनगर १ मा २ जना, २ मा १ जना, ५ मा ३ जना, १७ मा २ जना तथा विराटनगर ८, १०, १३ र १५ मा १/१ जनामा संक्रमण देखिएको छ ।
