ब्लाईन्ड अडिसन सम्म धेरैले याद नगरेको एउटा नाम हो सुरक्षा सेन्चुरी तर ब्याटल राउन्डको प्रस्तुति पछि भने एकाएक चर्चाको शिखरमा पुगिन ।
घर दार्जिलिङ भए पनि मनमा नेपालको माया र नेपाली संगीतमा निकै रुचि भएको कारणले गर्दा भ्वाईस अफ नेपालको यात्रा रोजेकि थिइन ।
ब्याटल राउन्डमा ‘जनम जनम जिउला संगै भाकेर वर पिपलु’ गीतमा प्रस्तुति दिएपछी धेरैले उनको कलाको प्रशम्शा गरे ।
यो ब्याटल सिजन ३ को उत्कृष्ट ब्याटल बन्यो । टिम प्रमोदको यो प्रस्तुतिले भ्वाईसको माहोल नै तताएको थियो ।
उनको प्रतिस्पर्धी किरण गजमेर भने ब्लाईन्ड अडिसनबाट नै चर्चामा थिए ।
ब्लाईन्ड अडिसनमा ‘आफै मुस्काउ मुसुक्क जुनतारा टिपि कोहि दिदैन’ गीत गाएर ४ वटै कुर्सी घुमाउन सफल किरण गजमेरले टिम प्रमोदलाई सेलेक्ट गरेका थिए ।
ब्लाईन्डमा ‘जाउला रेलैमा माया तिम्रो साथैमा’ गीत गाएर टिम प्रमोद र टिम तृष्णाको कुर्सी कुर्सी घुमाउन सफल सुरक्षा सेन्चुरीले टिम प्रमोद सेलेक्ट गरेकी थिईन ।
