-केपी शर्मा ओलीले प्रधानमन्त्री हुँदा प्रयोग गरेका सामाजिक सञ्जाल प्रयोग गर्न बहिस्कार गर्दै अन्तरिम सरकारका प्रधानमन्त्री सुशीला कार्कीले नयाँ सामाजिक सञ्जाल प्रयोग गरेकी छन् । सामान्यतया प्रधानमन्त्री पदबाट बिदा हुँदै गर्दा भावी प्रधानमन्त्रीलाई सामाजिक सञ्जालको युजरनेम र पासवर्ड पनि हस्तान्तरण गर्नुपर्छ । र, प्रधानमन्त्री पदमा जो आए पनि त्यही सामाजिक सञ्जालको अकाउन्ट प्रयोग गरिन्छ । किनकि त्यो सरकारको आधिकारिक हुन्छ । तर जेनजी युवा विद्रोहबाट सत्तामा आएकी सुशीला कार्कीले अघिल्ला प्रधानमन्त्री केपी शर्मा ओलीले प्रयोग गर्दै आएको सामाजिक सञ्जाल प्रयोग गरिनन् । उनले फेसबुक, एक्स,ट्वीटर र इन्सटाग्रामको नयाँ अकाउन्ट प्रयोग गर्ने भएकी छन् ।
