पुस १८, धनुषा । गत मङ्सिर २७ गते राति धनुषाको महेन्द्रनगरमा भएको बम बिस्फोटको काण्डमा विप्लव नेतृत्वका एक जना नेतालाई पक्राउ गरिएको छ ।
धनुषाको क्षिरेश्वरनाथ नगरपालिका स्थित सखुवा महेन्द्रनगर बजारमा रहेको एक घरको मूलढोकामा टाइम बम झुण्ड्याइएको थियो । सो बम विष्फोट हुँदा प्रहरी इन्सपेक्टरसहित ३ जनाले ज्यान गुमाएका थिए ।
ज्यान गुमाउनेमा प्रहरी निरीक्षक अमिरकुमार दाहाल, राजेश साह र उनका छोरा आनन्द साह रहेका थिए । सो घटनापछी फरार रहेका आदम प्रहरीको मोस्ट वान्टेडको सूचीमा परेका थिए । उनलाई उक्त बम बिष्फोट भएको करिब २२ दिनपछि प्रहरीले पक्रन सफल भएको हो ।
प्रदेश नम्बर २ का प्रहरी प्रमुख प्रद्मकुमार कार्कीका अनुसार यस घटनामा संलग्न अन्य ८ जनाको पनि पहिचान भईसकेको छ । पक्राउ परेका आदमलाई हाल थप अनुसन्धानका लागि जिल्ला प्रहरी कार्यालय धनुषामा राखिएको जानकारी आएको छ ।